媒體報導

另類Shopping 本地社企好滋味

2022年10月22日

On.cc

雖然話唔少女生天生購物狂,但其實唔少男女老幼都喜歡Shopping,而隨住個人素質增長,唔少人都關注Shopping快感以外嘅元素,好似話支持小店、撐本土文化、光顧社企等等追求名牌奢侈品以外嘅個性品味,而由豐盛社企學會主辦嘅「十一良心消費運動」正正係鼓勵大眾支持社企,以繼續貫徹推動社企及社會創新發展為宗旨;今年活動踏入第十屆,更以「全城連線Shop Social」為主題,帶來多個社企線上線下活動及優惠,包括全面升級嘅TECM MALL、購物獎賞計劃及社企聖誕市集。

TECM MALL(https://bit.ly/3ncuI9I )本身係個一站式購物平台,為了響應活動,於是新增網上付款功能,讓巴絲打可以一次過選購多個社企產品,於即日起購物滿HK$299更享免費送貨服務。社企產品非常多元化,好似由天糧行膳帶來嘅茶包、雪花酥、餅乾等小吃,均由退休長者、基層婦女及弱勢社群製造自家製。又如以中藥養髮療程、中藥染髮療程、中藥焗油及薑療為人所熟知嘅社企活髮社,供應多款健髮活髮等產品及療程。還有The Third Day,會帶來以天然方式種植嘅茶葉;而主張以城市種植來減輕碳足迹嘅Grow Something,則帶來多款新鮮有機蔬菜及花茶等。

另外,於11月15日至2022年2月28日期間到指定社企消費,每消費HK$50即可換取印花一個,集齊指定數目印花便可換領社企禮品及禮券。此外,於12月11日至12月12日期間更會舉行親子主題社企聖誕市集,雲集多間本地社企售賣特色產品,更有不同表演及工作坊;父母可透過市集與小朋友認識香港社企,從小培養關懷弱勢社群、保護環境等概念,Shop Social同時Learn Social,踏出第一步以消費改變世界,感受不一樣的聖誕節。

網址:https://bit.ly/3B9oNHH

更多媒體報導