10 Sep, 2016
張崇德劉美娟夫妻檔出席十一良心消費活動
歌手張崇德、劉美娟及周啓生齊齊出席「良心有據」活動，張崇德表示經常做善事，並坦言做過其中一件很有良心的事情，他說：「有次去監獄探訪，認識咗一名被判終生監禁嘅人，佢已由廿幾歲坐到六十幾歲，咁佢Keep住都有寫信畀我。有日佢寫信話我知，佢提早可以放出嚟，我即刻為佢安排點樣重新適應呢個社會，打算請佢去我個錄音室做嘢，但佢想靠自己。（咁最後佢點？）佢出書同年輕人分享佢嘅故事。」
談到近日DBC數碼電台向政府交回聲音廣播牌照，並已停播所有頻道，問到當中有份主持的劉美娟，是否有其他電台向她招手？她說：「我都需要良心社企請我。」
而周啓生則表示希望可以多幫助弱勢社群，更希望與張崇德合作：「我哋可以教啲弱勢社群同更生人士音樂，呢方面好希望同張崇德一齊合作。」