27 Sep, 2017

陳慧琳想帶囝囝做義工:真正幫人唔係齋影相

【東網】歌手陳慧琳（Kelly）出席社企活動，接受訪問時，Kelly透露今年係第五年支持這個活動，而自己平時都會幫襯社企旗下嘅店舖買麵包同曲奇。提到會唔會同仔仔參加慈善活動，Kelly話：都有嘅，之前自己基金捐二手嘢都有叫仔仔捐玩具，佢哋都有唔捨得。有次偷偷哋執啲玩具去捐，啲玩具都玩唔晒，畀佢哋見到就問我拎啲玩具去邊，解釋畀佢哋聽係捐畀冇玩具玩嘅人，佢哋都OK嘅。（等佢哋大啲一齊去做義工？）一定要，要真係幫手，唔係淨係出嚟影相。」

至於談到大仔劉昇蝦餃仔開學，她笑言因仔仔識得自己做功課而空閒咗：「好彩得閒咗我可以照顧細佬。（會成日check住仔仔功課？）要求都冇可能發生，男仔好動啲，佢係好大意，識咗個道理但係大意就算佢啦。（強項係咩？）science同數學，佢雖然做得慢，但佢啱嘅。」

Back